السلام عليكم ورحمة الله وبركاته
ازيكم ياجماعة عاملين ايه اتمنى تكونو بخير
بصراحة الموضوع ده انا فكرت فيه كتير قبل مكتبو بس حسيت انو موضوع يمسنا
كلنا ومحدش فينا قادر يقول انو مش مهتم او مش فاهم او حتى يقول انا مالي
المهم ادخل في الموضوع: كلمة sign outبنلاقيها فين عالمسنجر طبعا. انا
متاكده ان في نسبة كبيرة منكم بتلوي بوضها دلوقتي وبتقول هي بتخرف بتقول
ايه؟
فكرو معايا احنا كلنا بالصلاة عالنبي بنتقابل فين؟ بنعرف بعض ازاي؟ بنكلم بعض ازاي؟
مش عالنت ولا انا غلطانة؟ اول مندخل عليه بنكلم اصحابنا وصاحبتنا وبنتناقش ونتعارف وكل ده
يعني مالاخر كده عالم كبير بس جوة العالم ده لو وقعت وحبيت حتبقى معزور
احنا برده بشر ومش بكلمكو عن رايكو في الحب عالنت ده احنا قلنا فيك كتير
وتناقشنا فيه كتير بس الي انا عاوزة اعرفو النهاردة لوحصل ولقيتو نفسكم
طبيتو وحبيتو خلاص.
بس المشكلة ان ارواحكم متعلقة بالكلمة دي يعني كل حياتكم وسعادتكم مربوطة
بالمسنجر بنفتحو نتقابل نحب او حتى نتناقش. بنحلم واحنا فيه بنبني
مستقبلنا فيه.
المشكلة الي انا بعرضها عليكو هي لو حصل والعلاقة دي حصل فيها مشكلة
واتحكم عليك حكم قااااااااااااسي قوي انو الي انتو روحكم متعلقة فيه ومش
عايشين الحياة الا عشانو يضغط على زر بلاستيك ويقفل المسنجر وميدخلس تاني
انا باكد على كلمة sign out
عشان مفيش حد ساب حبيبو وهجر النت بس بيسب المسنجر ممكن او يعملك بلوك تعملو ايه وقتها؟؟؟
لوكان ياختي خطيبك او جوزك حتتحايلي عليه وحتبعتيلو الي يتحايل عليه
لوكان زميلك حتروحيلو المكتب وتكلميه
لوكان جارك حتروحي عندهم وتكلميه او حتى تقابليه في الشارع وتوضحي موقف
وانت كمان ياخوي لو تبقى مراتك سابت البيت حتروح لبيت اهلها تراضيه حتبعت حد يكلمها
لو كانت زميلتك كمان حتكلمها في الشغل لو كانت جارتكم جتبعت اختك تتحايل عليها
بس لو واحد فينا اتحكم على علاقتو انها تنقطع بحاجة قاسية وظالمة زي sign out
حتكون ردت فعلكم ايه؟
انا بس عاوزاكم تحطو نفسكم في المكانين مع بعض: تكونو بدل الي اتقفل في وشو المسنجر وضاع حبو في لحظة وكليك
بعدين تلفو وتقعدوا مكان الي قفل المسنجر نفسو. حتعيشو بعدين ازاي؟
انا بطلب من كل حد محبش ولا بيعرف الحب انو ميردش ارجوكم مبيحسش بكلامي دلوقتي الا الي حب والا الي اتظلم باجنور اوبلوك او sing out
لو حكمت على حبك بالموت كده حتعيش بعدو ازاي؟ ياترى حتفكر في حبيبك ؟
حتتالم؟ حتفكر ترجع ولو انو كل الي عملو كده بعدين بيحاولو يرجعو فيه الي
بيرجع وفيه الي بيعرف انو خلاص مفيش رجوع وتبقى بس الحسرة
وبالنسبة للي اتعملو اجنور لو اتقفل في وشو المسنجر وياااااااااااااااااويلي من الي اتحكم عليه الحكم ده
النار الي جواك حتطفيها ازاي؟ حتعمل ايه؟ مخنوق وبتفرفر؟ حتعمل ايه حتداوي
جرحك بايه؟ محتاس ومش لاقي حل حتحلها ازاي قولي مش عاوزة انكو تحكمو
بالعقل لان العقل بيبقى برة الحب
ميكونش حب لو كان بعقل انا مش بناقش الحب عالنت انا نفشي اي واحد ظلمو الكي بورد او المسنجر يتكلم يفضفض
يقولي بس النار دي تنطفي ازاي
يارب تكونو فهمتو قصدي
